Një 20-vjeçar nga Ocala, Florida, i mbijetoi një plagosjeje të rrezikshme me armë zjarri, falë varëses së tij me kryq prej ari.

Plumbi i kalibrit .40 e goditi në gjoks, por u përplas në kryqin që mbante në qafë, duke devijuar trajektoren dhe duke i shpëtuar organet jetësore. Plumbi doli pranë sqetullës, por më pas hyri sërish përmes krahut, duke i thyer kockën e krahut (humerusin).

Mjekët në spitalin HCA Florida Ocala konfirmuan se varësja me kryq, me shumë gjasë, i shpëtoi jetën. Një kirurg  u shpreh se pa atë kryq, rezultati mund të kishte qenë krejt ndryshe.

I riu, Aidan Perry, u shpreh se në momentin që pa gjakun mendoi se po vdiste, por pas kësaj ngjarjeje, besimi i tij vetëm sa u forcua. “Vazhdoni të besoni – Zoti është real,” tha ai.

Personi që qëlloi me armë, për fat të keq jo me qëllim, është arrestuar në qarkun Sumter. Ndërkohë, Perry është në fazë rikuperimi dhe jashtë rrezikut për jetën.