Kristjan Asllani pranë kalimit te Bologna, Inter pret rreth 10 milionë euro

Sport | 18.08.2025 Ora 15:51

Sipas gazetarit të njohur Fabrizio Romano, janë duke u zhvilluar negociata mes kampit të Kristjan Asllanit dhe klubit të Bologna-s për kushtet e kontratës.

Bologna shihet e sigurt për të mbyllur marrëveshjen, ndërsa Inter pritet të përfitojë një tarifë transferimi afër 10 milionë eurove, plus një klauzolë prej 40% për rishitjen e ardhshme të mesfushorit shqiptar.

Asllani, i cili iu bashkua Interit në vitin 2022, ka treguar shpesh potencialin e tij, por ka pasur hapësira të kufizuara në formacionin titullar. Një kalim te Bologna do t’i jepte më shumë minuta në fushë dhe një rol më të rëndësishëm në Serie A.

Ky zhvillim është aktualisht “live” dhe pritet që në ditët në vijim marrëveshja të marrë formë përfundimtare.