Jessie J paralajmëron albumin e gjashtë dhe rikthen koncertet e shtyra

Muzikë | 19.09.2025 Ora 9:16

Këngëtarja britanike Jessie J ka njoftuar publikimin e albumit të saj të gjashtë, “Don’t Tease Me With a Good Time”, që do të dalë këtë të premte. Albumi përfshin këngët e njohura “No Secret”, “Believe in Magic”, “And the Award Goes To” dhe “Living My Best Life”.

Ky njoftim vjen pasi këngëtarja shtyu turneun e saj në Mbretërinë e Bashkuar dhe Evropë, për shkak të një operacioni të dytë pas diagnostikimit me kancer të gjirit. Koncertet e planifikuara për tetor të këtij viti do të zhvillohen më 2026.

Jessie J ka filluar të rikthehet në skenë, duke performuar së fundmi në festivalin BBC Radio 2 In the Park. Ajo ka ndarë emocionet e saj pas rikuperimit dhe mirënjohjen që ndihet për mundësinë për të kënduar përsëri pas gjithë këtyre sfidave personale.