Franca njeh zyrtarisht shtetin palestinez

Bota | 23.09.2025 Ora 8:20

Presidenti francez, Emmanuel Macron, ka shpallur se Franca e ka njohur zyrtarisht shtetin palestinez, në një përpjekje për të shtuar presionin mbi Izraelin, i cili po vazhdon fushatën e tij në Gaza pavarësisht zemërimit dhe kritikave ndërkombëtare. Lajmi është bërë i ditur nga CNN.

Një ditë më parë, të njëjtin hap e ndërmorën edhe Britania, Kanadaja, Australia dhe Portugalia, duke e çuar më tej valën e njohjeve diplomatike në favor të shtetësisë palestineze.

Ky zhvillim shihet si një moment i rëndësishëm në përpjekjet ndërkombëtare për të gjetur një rrugë drejt paqes, megjithëse ekspertët paralajmërojnë se përballja në terren mbetet e ndërlikuar dhe një zgjidhje e qëndrueshme kërkon përfshirjen e drejtpërdrejtë të të dyja palëve.