Elon Musk drejt statusit të parë si trilioner në botë - Tesla miraton paketën gjigante të pagës

Auto | 07.11.2025 Ora 8:11

Aksionarët e Teslës kanë miratuar një pako pagese që mund ta bëjë CEO-n e kompanisë, Elon Musk, njeriun e parë trilioner në botë.
Më shumë se 75% e aksionarëve votuan në favor të marrëveshjes, e cila i jep Muskut të drejtën për të marrë deri në 423.7 milionë aksione shtesë gjatë 10 viteve të ardhshme.

Vlera e mundshme e këtij kompensimi mund të arrijë në 1 trilion dollarë, nëse Tesla arrin një vlerë tregu prej 8.5 trilionë dollarësh.
Musk tha se pakoja nuk ka të bëjë me pasuri personale, por me ruajtjen e kontrollit dhe ndikimit në drejtimin e kompanisë. Ai theksoi se fokusi i Teslës po zhvendoset nga veturat elektrike drejt robotëve humanoidë dhe teknologjisë së vetëdrejtimit, të cilat sipas tij do të jenë “produktet më të mëdha të të gjitha kohërave”.