Grupi amerikan Green Day do të hapë Super Bowl 2026 me një performancë në ceremoninë zyrtare hapëse, ka njoftuar NFL. Billie Joe Armstrong, Mike Dirnt dhe Tré Cool do të ngjiten në skenë në Levi’s Stadium në Santa Clara, duke sjellë disa nga hitet e tyre më ikonike.

Ceremonia hapëse do të shënojë 60-vjetorin e Super Bowl-it dhe do të mbahet më 8 shkurt. “Jemi jashtëzakonisht të emocionuar që do të hapim Super Bowl 60 në shtëpinë tonë,” tha Billie Joe Armstrong.

Para ndeshjes, Charlie Puth do të interpretojë himnin kombëtar, Brandi Carlile America the Beautiful, ndërsa Coco Jones Lift Every Voice and Sing. Spektakli i pushimit do të kryesohet nga Bad Bunny.