Scarlett Johansson i është bashkuar më shumë se 700 aktorëve, shkrimtarëve dhe muzikantëve që kanë nënshkruar një letër të hapur, ku akuzojnë kompanitë e teknologjisë për përdorimin e veprave artistike të mbrojtura nga e drejta e autorit pa leje, për trajnimin e inteligjencës artificiale.

Fushata, e quajtur “Stealing Isn’t Innovation” (Vjedhja nuk është inovacion), paralajmëron se grumbullimi dhe shfrytëzimi i punës së krijuesve pa pëlqimin e tyre nuk përbën përparim, por është thjesht vjedhje.

Nisma kërkon licencim etik dhe partneritete, duke u konsideruar si një nga veprimet kolektive më të forta të industrisë së argëtimit deri më tani kundër trajnimit të përmbajtjeve të AI pa autorizim.