Bateristi i njohur reggae dhe fitues i dy çmimeve Grammy, Sly Dunbar, ka ndërruar jetë në moshën 73-vjeçare. Lajmi është konfirmuar nga bashkëshortja e tij, Thelma, për Jamaica Gleaner.

Sly Dunbar, së bashku me basistin Robbie Shakespeare, formuan dyshen legjendare Sly & Robbie, e njohur për ndikimin e jashtëzakonshëm në muzikën reggae, dancehall dhe pop. Ata kontribuuan në dhjetëra hite të artistëve të mëdhenj si Bob Marley, Black Uhuru, Jimmy Cliff, Peter Tosh, Grace Jones, Bob Dylan dhe Rolling Stones.

Gjatë karrierës së tij, Dunbar u nominua 13 herë për çmimin Grammy dhe fitoi dy herë, për albumin “Anthem” të Black Uhuru dhe “Friends” të Sly & Robbie. Trashëgimia e tij konsiderohet thelbësore për zhvillimin e muzikës reggae dhe ritmeve moderne, duke e bërë atë një nga muzikantët më me ndikim të shekullit të fundit.