Sipas KEK-ut, vendimi është marrë pas vlerësimeve të ekipeve profesionale, të cilat kanë konstatuar se vazhdimi i operimit mund të shkaktojë dëmtime më të mëdha teknike. Për këtë arsye, ndalja do të jetë e përkohshme dhe e kontrolluar.

Aktualisht, KEK operon me tri njësi gjeneruese – B2 në “Kosova B” dhe A3 e A4 në “Kosova A” – duke siguruar furnizim të qëndrueshëm me energji elektrike.

Nga korporata bëhet e ditur se ndërprerjet e tilla janë pjesë e menaxhimit të përgjegjshëm të aseteve, me qëllim parandalimin e dëmtimeve dhe rritjen e sigurisë operacionale.

Ndërkohë, KEK është duke realizuar projekte investimi në vlerë mbi 500 milionë euro për modernizimin e njësive gjeneruese gjatë periudhës 2025–2027.