Sipas NASA, një nga imazhet kap për herë të parë nga sy njerëzorë një pjesë të pellgut Orientale, një zonë e Hënës që deri më tani është vëzhguar vetëm nga pajisje robotike.

Astronautët kanë përshkruar pamjet e anës së largët të Hënës si “spektakolare”, duke theksuar se ajo duket ndryshe nga ajo që shihet zakonisht nga Toka.

Ekipi tashmë ka kaluar më shumë se gjysmën e rrugës drejt Hënës, ndërsa fluturimi pranë saj pritet të realizohet së shpejti.

Përveç Hënës, fotografitë tregojnë edhe pamje të rralla të Tokës nga hapësira – perspektiva që nuk janë parë nga njerëzit që nga epoka e misioneve Apollo.