Ky sistem sigurie lejonte që vetëm dërguesi dhe marrësi të mund t’i lexonin mesazhet, ndërsa tani Instagram do të ketë qasje në përmbajtjen e tyre, përfshirë fotografi, video dhe audio.

Meta kishte premtuar që nga viti 2019 ta zgjeronte këtë teknologji në Facebook dhe Instagram, por tani kompania ka konfirmuar se funksioni nuk do të mbështetet më pas 8 majit 2026.

Vendimi është mirëpritur nga organizatat për mbrojtjen e fëmijëve, të cilat argumentojnë se enkriptimi i plotë e bënte më të vështirë identifikimin e rasteve të abuzimit apo manipulimit online.

Ndërkohë, aktivistët për privatësi e kanë kritikuar vendimin, duke e cilësuar si një hap prapa për sigurinë dhe privatësinë e përdoruesve në internet.