Aktorja Emily Blunt ka treguar çfarë e bashkon punën me tre prej regjisorëve më të njohur në Hollywood: Steven Spielberg, Christopher Nolan dhe Denis Villeneuve.

Blunt ka punuar me Villeneuve në filmin Sicario (2015), me Nolan në Oppenheimer (2023), ndërsa këtë fundjavë sjell bashkëpunimin e saj të parë me Spielberg në filmin Disclosure Day.

Sipas saj, ajo që i lidh këta regjisorë është qasja e tyre bashkëpunuese dhe hapja ndaj ideve të aktorëve, duke krijuar një ambient kreativ dhe të lirë gjatë xhirimeve.

Filmi i ri i Spielberg po merr vlerësime pozitive nga kritika dhe përshkruhet si një nga projektet më të mëdha të verës në kinema.