Filmi i famshëm i Krishtlindjeve, How the Grinch Stole Christmas, do të rikthehet me një vazhdim pas pothuajse 30 vitesh.

Sipas raportimeve të The Hollywood Reporter, një sequel i filmit është zyrtarisht në zhvillim, ndërsa Jim Carrey është në bisedime për t’u rikthyer në rolin e Grinch-it.

Filmi origjinal, i drejtuar nga Ron Howard dhe i bazuar në librin e Dr. Seuss, u publikua në vitin 2000 dhe u kthye shpejt në një klasik të sezonit festiv.

Përveç suksesit komercial, filmi fitoi edhe çmimin Oscar për grimin më të mirë dhe vazhdon të mbetet një nga filmat më të shikuar gjatë festave të fundvitit.

Vazhdimi i ri pritet të sjellë edhe një herë kaosin festiv dhe humorin karakteristik që e bëri Grinch-in kaq të dashur për publikun.