Toka ka përjetuar gushtin më të nxehtë të regjistruar ndonjëherë, sipas Shërbimit të Kopernikut për Ndryshimet Klimatike.

Temperatura mesatare globale gjatë gushtit ishte 16.96°C, rreth 0.85°C mbi mesataren e viteve 1991–2020. Temperaturat e sipërfaqes së deteve arritën gjithashtu një rekord, duke ndikuar në temperaturat e larta globale.

Muajt qershor, korrik dhe gusht u renditën së bashku si vera më e nxehtë e regjistruar, në nivel global, duke barazuar rekordin e vitit 2024.

Sipas ekspertëve, temperaturat rekord lidhen me ngrohjen globale të shkaktuar nga aktiviteti njerëzor, por edhe me forcimin e fenomenit El Niño në Oqeanin Paqësor.

Gjatë kësaj vere, Europa përjetoi valë të njëpasnjëshme të të nxehtit dhe zjarre masive, ndërsa edhe SHBA-ja regjistroi verën më të nxehtë në historinë e matjeve.