Pas dy filmave që morën vlerësime të dobëta, Dave Bautista duket se po rikthehet në formë me projektin e tij të ri, “Alpha Gang”.

Filmi fantastiko-shkencor ka debutuar me një vlerësim prej 91 për qind në Rotten Tomatoes, bazuar në 11 kritika, nga të cilat 10 janë pozitive. Ky rezultat është dukshëm më i lartë se ai i filmave “In the Lost Lands” dhe “Afterburn”, të publikuar në vitin 2025.

“Alpha Gang” është një komedi fantastiko-shkencore ku Bautista luan një alien që, së bashku me grupin e tij, planifikon të pushtojë Tokën. Megjithatë, ata fillojnë të shpërqendrohen nga emocionet njerëzore dhe jeta e përditshme.

Në film luajnë edhe emra të njohur si Chris Pine, Lily-Rose Depp, Léa Seydoux, Bae Doona, Kelvin Harrison Jr., Riley Keough dhe Cate Blanchett.

Filmi është drejtuar nga vëllezërit David dhe Nathan Zellner dhe deri tani ka marrë reagime kryesisht pozitive nga kritikët, të cilët kanë vlerësuar kastin, stilin vizual dhe idenë e veçantë të filmit.

“Alpha Gang” ende nuk ka një datë zyrtare të publikimit në kinema dhe po kërkon një distributor për tregun e Amerikës së Veriut.