Melania Trump ka njoftuar se po përgatit një serial të ri dokumentar me dy pjesë, i cili pritet të publikohet në nëntor. Ajo tha se projekti do të jetë më personal dhe do të përfshijë biseda të drejtpërdrejta, gjatë të cilave do t’u përgjigjet pyetjeve private që publiku nuk i ka dëgjuar më parë. Seriali pritet të trajtojë jetën e saj në Shtëpinë e Bardhë, familjen, karrierën dhe aktivitetet filantropike. Ky është projekti i dytë pas filmit dokumentar “Melania”, i publikuar në janar, i cili ndoqi periudhën para inaugurimit të dytë të Donald Trump.