Filmi “Obsession”, me regji të Curry Barker, po shndërrohet në një nga surprizat më të mëdha të vitit në Hollywood. Filmi, i realizuar me një buxhet prej rreth 750 mijë dollarësh, ka arkëtuar mbi 500 milionë dollarë në mbarë botën.

Suksesi i filmit ka ngritur edhe emrin e aktores Inde Navarrette, e cila tashmë po përmendet mes emrave të rëndësishëm të sezonit të çmimeve.

Sipas The Hollywood Reporter, distributorët amerikanë të filmit, Focus Features dhe partnerët e tij, kanë vendosur që “Obsession” të dorëzohet për shqyrtim në Golden Globes në kategorinë Muzikal ose Komedi, dhe jo në atë të Dramës.

Filmi ndërthur elemente horror, humori të zi dhe dramë. Historia fokusohet te pasojat kaotike dhe të dhunshme pasi një i ri merr dëshirën që një vajzë ta dojë “më shumë se këdo tjetër në botë”.

Sipas ekipit të filmit, reagimet e publikut dhe momentet humoristike të personazhit të luajtur nga Navarrette kanë ndikuar në vendimin për ta pozicionuar filmin në kategorinë Komedi/Muzikal.

“Obsession” pritet të jetë pjesë e garës për disa kategori të Golden Globes, përfshirë edhe Filmin më të Mirë – Komedi/Muzikal dhe Aktorja më e Mirë.