Real Madridi dhe disa klube të Ligës Premier po monitorojnë situatën e mesfushorit të Napolit, Scott McTominay, në rast se klubi italian nuk arrin marrëveshje për rinovimin e kontratës së tij. Sipas raportimeve nga Italia, McTominay ka kërkuar që të rihapen negociatat për një kontratë të re, ndërsa nëse nuk ka marrëveshje, ai mund të shqyrtojë ofertat e klubeve të tjera. Raportohet se Real Madridi tashmë ka kontaktuar me përfaqësuesit e tij për të mësuar më shumë rreth situatës. Napoli, megjithatë, dëshiron ta mbajë mesfushorin të paktën deri në fund të sezonit 2026/27. McTominay u transferua te Napoli nga Manchester United në vitin 2024 dhe u shpall MVP i Serie A për sezonin 2024/25.