Një grua nga Koreja e Jugut më në fund kaloi testin e saj të vozitjes në përpjekjen e saj të 960-të, pasi shpenzoi më shumë se 12,500 euro (11,000 funte) për të marrë patentën e saj.

Cha Sa-soon, 69 vjeçare, për herë të parë testin me shkrim e provoi në prill 2005 dhe pasi dështoi për herë të parë, ajo vazhdoi ta rimerrte atë çdo ditë, pesë ditë në javë, për tre vjet – me gjithsej 780 përpjekje.

Më vonë ajo filloi të merrte testin vetëm dy herë në javë derisa më në fund e kaloi – përpara se të kalonte në testin praktik, shkruan Mirror.

Ajo e kaloi testin e shoferit pasi u përpoq 10 herë – që do të thotë se kaloi 960 provime në total para se të merrte më në fund patentën.

Gruaja nuk u dorëzua pasi i duhej patent shoferi për biznesin e saj të shitjes së perimeve. Sipas raporteve, ajo shpenzoi pothuajse 12,500 euro (11,000 funte) për të siguruar patentën e saj të drejtimit.