“Etno Fest” për të trembëdhjetën herë me radhë do të zhvendos skenën kulturore drejt fshatit Kukaj të Prishtinës. Për 8 ditë, festivali do të sjellë shfaqje, mbrëmje muzikore, ekspozita dhe shumëçka tjetër nën moton “Liria”.

Linda Ukaj e Arben Bajraktaraj do të jenë të pranishëm për muzikë e teatër, ndërkaq shfaqjet të cilat do të jepen janë “Molly” nga Sibel Avdiu, "Kërkohet bashkëshort i ri” me regji të Gëzim Hasanit, “Adrien” nga Skender Podvorica, “Antigonat” e Erson Zymberit, “Rizah Bllaca” shfaqje etnografike në regji të Zana Durakut, “Tatuazhi i trendafilit” nga Zana Hoxha, “Lo Speziale” nga Opera e Kosovës dhe Akademia e Arteve - Prishtinë, me regji nga Elikona Hysaj dhe në fund “Gadjo” nga Jeton Neziraj, me regji të Blerta Nezirajt,  në bashkëprodhim të Teatrit Eksperimental “Kujtim Spahivogli” - Tiranë dhe “Multimedia” - Prishtinë.

Ndërkaq në mbrëmjet muzikore “Etno Neja” do të performojnë Irma Libohova, Edona Reshitaj me bend, Dina e Mel nga Zagrebi dhe Nick Mazrekaj “Kasheme” nga Zvicra, Melodia e Vjetër, Vesa Smolica dhe Agron Peni me bend, Linda Rukaj dhe Arben Bajraktaraj, nga Parisi – Francë./rtk/