Nëse po planifikonit të blinit një nga modelet e reja iPad Pro me çipin M4, një influencues i njohur i teknologjisë informative ju këshillon të shmangni një model specifik.

Pak ditë më parë Apple prezantoi modelet e reja iPad Pro, të cilat janë të pajisura me një ekran OLED dhe një çip M4. Bëhet fjalë për tableta mbresëlënës, me harduer që ia kalon çdo modeli në treg./Telegrafi

Megjithatë, nëse po planifikoni të blini një nga këto tableta, influencuesi i IT dhe YouTuber Marquez “MKBHD” Brownlee sugjeron të shmangni variantin e xhamit me nano teksturë.

Xhami me nano teksturë gjendet në versionin mat të tabletit iPad Pro dhe është krijuar për të reduktuar shkëlqimin. Shkëlqimi mund të jetë një problem i madh në mjedise të ndriçuara mirë, kështu që ekranet e ndritshme të iPad mund të veprojnë si pasqyra reflektuese.

“Unë do të isha shumë i kujdesshëm në lidhje me porositjen e këtij opsioni të veçantë [iPad Pro me xham nano-teksturë] bazuar në atë që kam parë”, tha MKBHD
“Unë mund të shoh se padyshim që trajton shkëlqimin më mirë se ekranet normale, gjë që është e mrekullueshme. Por, ashtu si versioni i desktopit, ky përmirësim vjen në kurriz të mprehtësisë dhe kontrastit”, shto ai.
YouTuber-i thekson se ngjyra e zezë nuk duket pothuajse e zezë në ekranet me nano teksturë dhe gjithashtu shprehu dyshime për qëndrueshmërinë e saj.

Një arsye tjetër pse përdoruesit duhet të jenë të kujdesshëm kur zgjedhin një variant iPad pro me një ekran me nano teksturë është çmimi. Ky model është i disponueshëm vetëm me 1 TB hapësirë ruajtëse ose më shumë, dhe çmimi i tij fillestar është 1899 dollarë (1745 euro) nëse zgjidhni versionin Wi-Fi dhe celular.