Ashtu si shumë prodhues të tjerë, interierët e Volkswagen arritën kulmin e tyre rreth 10 vjet më parë, kur veturat kishin kombinimin e duhur të butonave dhe ekraneve.

Në fillim të dekadës së re, minimalizmi mbizotëroi. Shumë funksione janë të integruara në ekranin qendror.

Tani, Kai Grunitz, kreu i zhvillimit teknik në Volkswagen, tha se po punohet për një dizajn të ri të panelit të kontrollit për të korrigjuar gabimet e së kaluarës.

Ai shpjegoi se përditësimet e ardhshme për ID.3 dhe ID.4 do të prezantojnë një interier të rishikuar me fokus në butonat tradicionalë.
Ndryshe, Grunitz nuk është drejtuesi i parë i lartë i Volkswagen që premton një rikthim në kontrollet fizike.

Kohët e fundit, shefi i dizajnit të VW, Andreas Mindt, zbuloi detaje rreth drejtimit të ardhshëm të dizajnit të brendshëm.

“Duke filluar me ID.2all, çdo model do të ketë butona fizikë për pesë funksionet më të rëndësishme: volumin, ngrohjen për të dyja anët e kabinës, kontrollin e ventilatorit dhe dritat për të katër treguesit, të vendosur poshtë ekranit. Kjo do të jetë standarde në të gjitha automjetet e ardhshme VW.”
Mindt shkoi edhe më tej, duke premtuar se VW “nuk do ta bëjë kurrë më atë gabim.