“Sinners” arrin sukses historik në arkë - edhe pas publikimit online

Film | 09.07.2025 Ora 8:11

Filmi horror “Sinners”, me regji të Ryan Coogler dhe me Michael B. Jordan në rolin kryesor, ka arritur një tjetër rekord duke kaluar 365.7 milionë dollarë në arkë në mbarë botën. Filmi tashmë është i disponueshëm për transmetim në Max që nga 4 korriku, por kjo nuk ka ndalur suksesin e tij financiar.

“Sinners” është filmi origjinal më i suksesshëm i dekadës dhe një prej më të suksesshmëve të 15 viteve të fundit. Brenda vetëm nëntë ditësh nga lansimi, kishte arritur shifrën e 100 milionë dollarëve, ndërsa në javën e katërt – 200 milionë.

Ky sukses e rendit “Sinners” në vendin e pestë të filmave horror më fitimprurës të të gjitha kohërave, pas titujve legjendarë si “It”, “Jaws”, “It: Chapter Two” dhe “The Exorcist”.