Pedro Pascal vazhdon të jetë një prej aktorëve më aktivë dhe më të dashur të vitit 2025. Pas suksesit në sezonin e dytë të “The Last of Us”, ku mori edhe një nominim të dytë për çmimin Emmy si aktor kryesor, ai ka shënuar role edhe në dy filma të A24: “Materialists” dhe “Eddington”. Më 25 korrik, Pascal do të debutojë edhe në Marvel si Reed Richards në filmin e shumëpritur “The Fantastic Four: First Steps”.

Por ndër projektet që nuk morën shumë vëmendje në kinema ishte filmi “Freaky Tales”, një komedi aksion e vendosur në vitin 1987 në Oakland, që solli bashkë emra të mëdhenj si Tom Hanks, Normani, Jay Ellis, Dominique Thorne, dhe të ndjerin Angus Cloud. Pas një premiere të suksesshme në Sundance dhe një vlerësimi prej 89% nga audienca në Rotten Tomatoes, filmi më në fund do të jetë i qasshëm për një publik më të gjerë.

“Freaky Tales” do të nisë transmetimin në HBO Max më 8 gusht, ndërsa më 9 gusht do të jepet edhe në kanalin HBO.