Filmi fantastiko-familjar The Legend of Ochi, nga studioja e njohur A24, do të jetë i qasshëm për shikim në HBO Max duke filluar nga 15 gushti. Filmi debutoi me një shpërndarje të kufizuar në prill dhe është vlerësuar pozitivisht nga kritika, me 75% në Rotten Tomatoes.

Regjinë e mban Isaiah Saxon, ndërsa rolin kryesor e luan Helena Zengel në rolin e Yuri, një vajzë që vendos të ndihmojë një krijesë të plagosur të quajtur ochi, përkundër frikës së komunitetit ndaj këtyre qenieve. Në film luajnë gjithashtu Finn Wolfhard, Emily Watson dhe Willem Dafoe.

Filmi është vlerësuar për efektet e jashtëzakonshme vizuale, përdorimin e kukullave realiste dhe ndjeshmërinë emocionale që përcjell. The Legend of Ochi konsiderohet një histori prekëse që tejkalon kufijtë e moshës dhe është e përshtatshme për gjithë familjen.

Ky është një projekt tjetër i guximshëm nga A24, që synon të tregojë histori të reja me qasje vizuale të rralla dhe tematika me peshë emocionale.