Venus Williams ka konfirmuar fejesën me aktorin dhe producentin, Andrea Preti.

Në një intervistë pas ndeshjes së djeshme, Rennae Stubbs pyeti: “Tani je një grua e fejuar, si të ka ndihmuar Andrea me këtë rikthim? Je e lumtur. Sa ndryshim ka bërë ai në jetën tënde?”. Williams u përgjigj se i fejuari i saj e inkurajoi të vazhdonte të luante dhe se kishte raste kur ajo thjesht donte të relaksohej dhe të pushonte. “A e dini sa e vështirë është të luash tenis? Nuk e dini sa shumë përpjekje duhen bërë për këtë. Ai më inkurajoi të kaloja të gjitha momentet e vështira dhe të isha përsëri këtu”, tha ajo. Çifti e kishte mbajtur më parë romancën e tyre sekret dhe u panë për herë të parë në publik në korrik të vitit të kaluar. Në shkurt të këtij viti, çifti ndezi thashetheme për fejesë kur u panë në Romë, me Williams që mbante një unazë diamanti në dorën e majtë.

Williams shijoi një jetë beqare për shumë vite dhe në një intervistë me Glamour UK në vitin 2022, ajo foli hapur për punën në jetën e saj private. “Isha beqare për një kohë të gjatë dhe mendoj se është e lehtë të ngecësh në jetën beqare, dhe ndonjëherë, të paktën për mua, është më e vështirë të dalësh prej saj. Të bën të mendosh për veten, çfarë dëshiron dhe si sillesh. Kur jeta ndryshon, duhet të dish kur të ndryshosh. Nuk mund të mbash fort një lidhje ose një jetë beqare”, theksoi tutje.