Regjisori James Cameron ka konfirmuar se fisi i ri “Wind Traders” në Avatar: Fire & Ash do të ketë rol kyç në tre vazhdimet e ardhshme të sagës Avatar (3, 4 dhe 5). Të njohur si Na’vi nomadë që nuk janë të lidhur me një vend të vetëm, Wind Traders paraqesin një qasje të re ndaj historisë së Pandorës.

Në një intervistë për Empire, Cameron tha se ky fis është pjesë e lojës afatgjatë, njësoj si personazhet e Ronal dhe Tonowari nga The Way of Water. Ai shton se frymëzimi për këtë strukturë vjen nga narrativat epike si The Godfather, me vëmendje të madhe ndaj detajeve dhe zhvillimit të ngadaltë por të thellë të historisë.

Një nga personazhet kryesorë të fisit të ri është Peylak, kapiteni i qiellit, i luajtur nga David Thewlis. Megjithëse u zbulua përmes koncept art-it në fillim të vitit, ai mungoi në trailer-in më të fundit, gjë që e shton misterin rreth rolit të tij.

Avatar: Fire & Ash do të prezantojë gjithashtu edhe një tjetër fis – Ash Clan, i udhëhequr nga Varang (Oona Chaplin) – duke e zgjeruar ndjeshëm botën e Pandorës. Këto zhvillime sugjerojnë se filmi mund të jetë duke u distancuar nga historia tradicionale e familjes Sully për të hapur rrugë tregimeve të reja.