Filmi, i adaptuar nga libri bestseller i Warren Zanes, vendoset në fillim të viteve ’80, gjatë kohës kur Springsteen regjistronte albumin intim Nebraska dhe punonte mbi projektin Born in the U.S.A., duke balancuar suksesin e madh me sfidat personale. Në kast marrin pjesë edhe Jeremy Strong si menaxheri Jon Landau, Marc Maron, Stephen Graham, Gaby Hoffman, Paul Walter Hauser, David Krumholtz dhe Odessa Young.

Premiera botërore do të mbahet më 28 shtator në kuadër të festivalit, me praninë e Cooper, Allen White, Strong, Young dhe vetë Springsteen. Filmi do të shfaqet në kinema më 24 tetor 2025, i shpërndarë nga 20th Century Studios.

Festivali i 63-të i Filmit të Nju Jorkut, i organizuar nga Film at Lincoln Center, do të mbahet nga 26 shtatori deri më 13 tetor dhe do të prezantojë gjithashtu produksione nga emra të njohur si Luca Guadagnino, Jim Jarmusch, Kathryn Bigelow dhe Noah Baumbach.