Dragoi - Dreri i rrallë me fytyrë të bardhë

Të Tjera | 13.08.2025 Ora 9:37

“Dragoi”, është dreri i rrallë “piebald” me fytyrë të bardhë, u refuzua nga nëna menjëherë pas lindjes për shkak të rreziqeve shëndetësore dhe mundësisë së lartë për t’u bërë pre e grabitqarëve.

I lindur në Deer Tracks Junction në Cedar Springs, Michigan, ai po rritet i shëndetshëm nën kujdesin e njerëzve, pavarësisht vështirësive me shikimin, dëgjimin dhe sistemin imunitar.

Vetëm rreth 1% e drerëve kanë pamjen “piebald”, dhe shumë prej tyre nuk mbijetojnë në natyrë pasi refuzohen nga nënat. Fytyra e tij e bardhë, edhe pse e mrekullueshme, e bënte pothuajse të pamundur mbijetesën jashtë kujdesit të mbrojtur.

I pagëzuar “Dragoi” për forcën dhe këmbënguljen e tij, ai është shembulli i gjallë i rezistencës dhe dashurisë që shpëton jetë.