Deadpool mund të bashkohet me Avengers në “Avengers: Doomsday”

Film | 14.08.2025 Ora 8:12

Deadpool, i luajtur nga Ryan Reynolds, ka kaluar një rrugë të gjatë që prej paraqitjes së tij të parë në X-Men Origins: Wolverine para 16 vitesh.

Pas aventurave me Negasonic Teenage Warhead dhe Colossus në Deadpool, pjesëmarrjes në X-Force në Deadpool 2 dhe bashkimit me Wolverine, Gambit dhe ekipin e Foxverse në debutimin e tij në MCU me Deadpool & Wolverine, duket se personazhi po përgatitet për hapin e radhës.

Një postim i fundit në Instagram nga Reynolds ka shtuar zërat se “Merc With A Mouth” mund të shfaqet për herë të parë përkrah Avengers në filmin e ardhshëm Avengers: Doomsday.

Marvel ende nuk ka konfirmuar zyrtarisht këtë lajm, por fansat janë të etur të shohin nëse kjo bashkim do të bëhet realitet.