Noah Centineo do të luajë Rambon në filmin e ri për origjinën e heroit legjendar

Film | 14.08.2025 Ora 8:14

Pas rolit të tij në dramën luftarake Warfare, aktori Noah Centineo është përzgjedhur të luajë versionin e ri të John Rambo në një film prekuel që do të tregojë historinë para ngjarjeve të First Blood.

Filmi, i cili do të drejtohet nga Jalmari Helander (Sisu), do të fokusohet në përvojat e Rambo-s gjatë Luftës së Vietnamit, duke shpjeguar se si u formua karakteri i tij i fortë dhe i pamëshirshëm.

Projektin e ka në zhvillim Millennium Media, me skenar nga Rory Haines dhe Sohrab Noshirvani, ndërsa xhirimet parashikohet të nisin në fund të këtij viti në Tajlandë. Sylvester Stallone, aktori që e bëri ikonë rolin e Rambo-s, nuk do të marrë pjesë në këtë projekt, duke i hapur rrugë një interpretimi të ri të personazhit.