Glen Powell mohon thashethemet për rolin e James Bond: “Ky rol i takon një britaniku të vërtetë”

Film | 21.08.2025 Ora 9:05

Aktori amerikan Glen Powell ka hedhur poshtë zërat që e lidhin me rolin e ardhshëm të James Bond, duke deklaruar se agjenti legjendar duhet të luhet nga "një britanik autentik". Me humor, ai shtoi se vetë do mund të luante vetëm "Jimmy Bond".

Emri i Powell ishte përmendur krahas aktorëve britanikë si Aaron Taylor-Johnson, Henry Cavill dhe Regé-Jean Page si kandidatë të mundshëm për të zëvendësuar Daniel Craig. Megjithatë, Powell ka bërë të qartë se roli i 007 nuk është për të.

Ndërkohë që regjisori i njohur i Dune, Denis Villeneuve, pritet të marrë drejtimin e filmit të ardhshëm të James Bond, fansat vazhdojnë të presin me padurim emrin e aktorit që do të marrë frenat e rolit ikonë.