Me rritjen e temperaturave dhe valëve të të nxehtit, edhe kafshët shtëpiake përballen me rreziqe serioze shëndetësore. Veterinerët paralajmërojnë se qentë dhe macet mund të pësojnë djegie në putra, dehidrim apo edhe goditje nga të nxehtit, shpeshherë edhe në ditë që nuk duken shumë të nxehta për njerëzit.

Rreziqet kryesore për qentë dhe macet në vapë:

• Goditja nga të nxehtit – sidomos tek racat me fytyrë të sheshtë (bulldog, pug, french bulldog).

• Djegia e putrave – ecja mbi asfalt të nxehtë mund të shkaktojë dëmtime serioze. Rregulli i artë: nëse nuk mund ta mbani dorën mbi tokë për 30 sekonda, është shumë e nxehtë për qenin.

• Pesha e tepërt dhe barnat – kafshët mbipeshë apo ato që marrin ilaçe kanë më shumë rrezik për mbinxehje.

• Ambjentet e mbyllura – makina, dhoma me xhama apo sera mund të arrijnë temperatura fatale për kafshët brenda minutave.

Çfarë duhet të bëni për t’i mbrojtur:

• Dilni për shëtitje vetëm në mëngjes herët ose pas perëndimit të diellit.

• Mbani gjithmonë ujë me vete.

• Kontrolloni putrat e tyre dhe shmangni asfaltin e nxehtë.

• Mos i lini kurrë vetëm në makinë.

• Shënoni shenjat e mbinxehjes: frymëmarrje e shpeshtë, gumëzhitje, dobësi ose çorientim. Në raste të rënda, vendosini në ujë të freskët dhe kërkoni menjëherë ndihmë veterinare.

Macet zakonisht shmangin mbinxehjen duke qëndruar në hije, por ato mund të rrezikohen nëse mbeten të bllokuara në vende të nxehta si serra apo garazhe.