Në një vit të shënuar nga konflikte dhe tensione globale, disa shtete po tregojnë se paqja mund të ruhet përmes politikave afatgjata, kulturës dhe ndjenjës së fortë të komunitetit. Sipas Indeksit Global të Paqes 2025, të publikuar nga Institute for Economics & Peace, këto janë pesë vendet më paqësore në botë:

1. Islanda – Në krye që nga viti 2008, ajo shënon përparime në të gjitha fushat: siguri, konflikt dhe militarizim. Banorët e saj përmendin barazinë gjinore, besimin shoqëror dhe komunitetin si burime kryesore të qetësisë së përditshme.

2. Irlanda – Nga një e kaluar e trazuar, sot vendos theksin te neutraliteti ushtarak, diplomacia dhe solidariteti shoqëror. Vlerësohet për nivel të ulët krimi dhe mikpritje të jashtëzakonshme.

3. Zelanda e Re – Falë ligjeve të forta për armët dhe kulturës së komunitetit, vendi ofron një ndjenjë sigurie që pasqyrohet edhe te vizitorët.

4. Austria – Politika e neutralitetit dhe investimet e vazhdueshme në shëndetësi, arsim dhe mirëqenie shoqërore e mbajnë vendin në krye të listës.

5. Zvicra – Një shtet që njihet botërisht për stabilitetin, neutralitetin dhe respektin për ligjin, duke e bërë paqen pjesë të identitetit kombëtar.

Ky renditje tregon se edhe në një botë gjithnjë e më të polarizuar, paqja është e arritshme kur shtetet zgjedhin të investojnë më shumë te njerëzit sesa te armët.