Filmi i ri horror “Weapons” nga regjisori Zach Cregger, i njohur për suksesin e vitit 2022 me Barbarian, ka arritur një sukses të madh komercial dhe kritik. Me një kast të njohur që përfshin Julia Garner, Josh Brolin, Alden Ehrenreich, Benedict Wong dhe aktorë të tjerë të spikatur, filmi tregon ngjarjen misterioze të zhdukjes masive të një klase fillore, ku vetëm një nxënës mbetet i gjallë.

Sipas Variety, deri në fund të fundjavës së tretë, Weapons ka arritur shifrën prej 199 milionë dollarësh në mbarë botën, nga të cilat 115.9 milionë janë vetëm nga Amerika e Veriut dhe 83.1 milionë ndërkombëtarisht. Kjo e bën filmin katërfish më fitimprurës se Barbarian, edhe pse buxheti këtë herë ishte shumë më i lartë – 38 milionë dollarë.

Edhe pse nuk pritet të arrijë përqindjen e fitimit të Barbarian, Weapons është në rrugë për t’u renditur si horror-i i dytë më i madh i vitit, menjëherë pas Sinners të Ryan Coogler. Për më tepër, vlerësimet janë të shkëlqyera: 94% nga kritikët dhe 86% nga publiku në Rotten Tomatoes, duke e pozicionuar Zach Cregger si një emër të fuqishëm në skenën e re të horrorit në Hollywood.