Google nuk do të detyrohet të shesë Chrome ose Android

Teknologji | 03.09.2025 Ora 8:44

Një gjykatë federale në SHBA ka vendosur që Google nuk do të detyrohet të shesë shfletuesin Chrome apo sistemin Android, në një fitore të rëndësishme për gjigantin e teknologjisë.

Sidoqoftë, kompania do të duhet të ndajë të dhëna kërkimi me konkurrentët e kualifikuar dhe nuk do të lejohet të nënshkruajë ose mbajë kontrata ekskluzive për shërbime si Chrome, Google Search, Google Assistant apo aplikacionin Gemini. Këto kontrata janë një burim i madh të ardhurash dhe ndikojnë në dominimin e Google në treg, por vendimi i gjykatës synon të rrisë konkurrencën.

Ekspertët thonë se kjo është një fitore e pjesshme për konsumatorët dhe një hap për të siguruar që dominimi i Google në kërkimin online të mos përhapet në hapësirën e Inteligjencës Artificiale. Në të njëjtën kohë, kompania do të duhet të punojë më shumë për të tërhequr përdoruesit e rinj, veçanërisht përballë konkurrentëve të rinj si OpenAI dhe Perplexity.