Apple pritet të zgjerojë linjën e telefonave të saj në pranverën e vitit 2027, me prezantimin e mundshëm të iPhone 18, iPhone 18e dhe iPhone Air 2. Sipas parashikimeve të publikuara nga revista Forbes, prezantimi mund të mbahet në fillim të marsit, ndërsa shitja e pajisjeve mund të nisë më 12 ose 19 mars. Këto pritshmëri vijnë pas raportimeve për modelet iPhone 18 Pro, iPhone 18 Pro Max dhe telefonin e parë të palosshëm të kompanisë, të përmendur si iPhone Duo. Megjithatë, duhet theksuar se datat dhe planet e lansimit nuk janë konfirmuar zyrtarisht nga Apple.