Klasiku i viteve ’80, Miami Vice, do të rikthehet në ekranin e madh me një version të ri. Filmin do ta drejtojë Joseph Kosinski, regjisori i hiteve Top Gun: Maverick dhe F1, duke rritur pritshmëritë për një projekt madhështor.

Filmi do të realizohet në formatin IMAX, duke premtuar skena aksioni të jashtëzakonshme. Aktualisht, nuk është zbuluar se kush do të marrë rolet ikonike të detektivëve James Crockett dhe Ricardo Tubbs, por kastingu shihet si vendimtar për suksesin e reboot-it.

Ky nuk është rikthimi i parë i Miami Vice. Në vitin 2006, Colin Farrell dhe Jamie Foxx luajtën në versionin e Michael Mann, i cili megjithatë nuk pati sukses komercial. Universal Pictures këtë herë po i beson Kosinskit, i cili tashmë ka treguar se di të ringjallë projekte të vjetra me sukses të madh.

Fansat tashmë janë të etur të shohin se si do të duket ky kapitull i ri i një prej serive më ikonike të kulturës pop.