ChatGPT ende nuk po shkakton trazirat masive në tregun e punës në SHBA, nje frikë kjo tek njerëzit që nga lançimi i chatbot-it në vitin 2022, sipas një studimi të ri nga një qendër kërkimore në Universitetin Yale.

Studimi vjen mes shqetësimeve të përhapura se përhapja e inteligjencës artificiale gjeneruese, teknologjia që mbështet ChatGPT, mund të vërë në rrezik shumë vende pune, ndërsa kompanitë amerikane i drejtohen gjithnjë e më shumë IA-së për të ulur kostot përmes automatizimit më të madh.

Hulumtuesit shqyrtuan ndryshimet që nga lançimi i ChatGPT në shpërndarjen e punëtorëve midis të gjitha vendeve të punës të disponueshme në ekonomi. Chatbot mbështetet nga teknologjia e inteligjencës artificiale gjeneruese, e cila mund të krijojë tekst origjinal, imazhe dhe përmbajtje të tjera në përgjigje të kërkesave nga përdoruesit.

Megjithatë, ata vunë re se miratimi i IA-së gjeneruese ishte në një fazë të hershme dhe se analiza e tyre nuk ishte parashikuese për të ardhmen. Studiuesit planifikojnë të monitorojnë të dhënat përkatëse çdo muaj “për të vlerësuar se si mund të ndryshojnë ndikimet e IA-së në punë”.

Ndërsa studimi i ri thotë se inteligjenca artificiale nuk po ndikon ende në forcën më të gjerë punëtore, ka disa shembuj specifikë të kompanive që marrin vendime të mëdha për stafin bazuar në atë që e shohin si potencialin e teknologjisë.