“The Conjuring: Last Rites” kalon 458 milionë dollarë në arkë - një ndër filmat horror më fitimprurës në histori

Film | 06.10.2025 Ora 8:08

Filmi “The Conjuring: Last Rites” ka arritur një sukses të jashtëzakonshëm në mbarë botën, duke kaluar shifrën e 458.2 milionë dollarëve në totalin global të fitimeve. Kjo e bën filmin njërin nga vetëm tre filmat horror në histori që kanë kaluar 450 milionë dollarë në arkë, së bashku me “It” (2017) dhe “It: Chapter 2” (2019).

Ky është filmi i nëntë i universi “The Conjuring”, që përfshin edhe tri filma “Annabelle” dhe dy “The Nun”, dhe pritet të jetë projekti i fundit me çiftin e famshëm të demonologëve Ed dhe Lorraine Warren, të interpretuar nga Patrick Wilson dhe Vera Farmiga.

Sipas Warner Bros., filmi ka fituar 167.8 milionë dollarë në tregun amerikan dhe 290.4 milionë dollarë nga tregjet ndërkombëtare. Me këtë rezultat, “The Conjuring: Last Rites” është filmi horror më i suksesshëm i vitit 2025 dhe filmi i 11-të më i shikuar në botë, pa dallim zhanri.

Warner Bros. tashmë mban rekordin me disa nga filmat më të suksesshëm horror të dekadës, përfshirë “The Nun”, “The Conjuring 2” dhe filmin origjinal të vitit 2013 që nisi këtë univers kinematografik.