Anulimet e abonimeve në Disney+ dhe Hulu dyfishohen pas suspendimit të Jimmy Kimmel

Film | 21.10.2025 Ora 8:05

Shkalla e anulimeve në platformat Disney+ dhe Hulu është dyfishuar gjatë shtatorit, pasi kompania pezulloi përkohësisht prezantuesin Jimmy Kimmel.

Të dhënat nga firma analitike Antenna tregojnë se shkalla e “churn rate” në Disney+ u rrit nga 4% në 8%, që përkthehet në rreth tre milion anulime, ndërsa në Hulu u rrit në mbi 10%, ose më shumë se katër milion.

Suspendimi i Kimmel pas komenteve të tij për një ngjarje të ndjeshme shkaktoi debate për lirinë e shprehjes dhe thirrje për bojkot ndaj Disney-t. Ai u rikthye në transmetim një javë më vonë, ndërsa kompania nuk ka dhënë komente mbi ndikimin financiar të ngjarjes.