Studim: Ushqyerja e hershme me kikirikë tek fëmijët ul ndjeshëm alergjitë

Shëndeti | 22.10.2025 Ora 8:19

Dhjetë vjet pas publikimit të studimit që ndryshoi mënyrën se si trajtohen alergjitë ushqimore, kërkimet e reja tregojnë rezultate të dukshme në praktikë.

Sipas një studimi të publikuar në Pediatrics, alergjitë ndaj kikirikëve tek fëmijët nën 3 vjeç kanë rënë me më shumë se 40% në Shtetet e Bashkuara që nga viti 2015, kur mjekët filluan të rekomandonin futjen e kikirikëve në ushqimin e foshnjave që nga mosha 4 muajshe.

Studiuesit llogarisin se mbi 60 mijë fëmijë kanë shmangur alergjitë ushqimore, përfshirë 40 mijë që përndryshe do të zhvillonin alergji ndaj kikirikëve.

Ky zbulim vjen pas ndryshimit të udhëzimeve mjekësore që dikur këshillonin shmangien e kikirikëve deri në moshën 3 vjeç. Tani, ekspertët theksojnë se prezantimi i hershëm i ushqimeve alergjike ndihmon sistemin imunitar të mësohet me to në mënyrë të sigurt.