Studim: Ecjet e gjata lidhen me jetë më të shëndetshme dhe më të gjatë

Shëndeti | 28.10.2025 Ora 7:55

Një studim i publikuar në Annals of Internal Medicine tregon se të rriturit që ecin për periudha më të gjata se 10 minuta kanë rrezik dukshëm më të ulët nga sëmundjet e zemrës dhe vdekja e parakohshme.

Sipas autorit kryesor të studimit, Dr. Borja del Pozo Cruz, nuk ka rëndësi vetëm numri total i hapave, por edhe mënyra si grumbullohen ata. “Edhe nëse nuk arrini 10 mijë hapa në ditë, disa ecje më të gjata janë shumë të dobishme për zemrën,” ka deklaruar ai.

Ekspertët theksojnë se ecja e rregullt ndihmon në përmirësimin e qarkullimit të gjakut, uljen e presionit të gjakut dhe forcimin e muskujve të zemrës.
Ndërkohë, qëndrimi pasiv dhe mungesa e aktivitetit fizik mbeten ndër faktorët kryesorë të rrezikut për sëmundjet kardiovaskulare.