Të flesh në errësirë të plotë mund të ulë rrezikun e sëmundjeve kardiovaskulare

Shëndeti | 28.10.2025 Ora 8:07

Një studim i ri i publikuar në JAMA Network Open ka zbuluar se gjumi në errësirë të plotë mund të ketë përfitime të rëndësishme për shëndetin e zemrës. Personat që flinin në kushte të ndriçuara fort – si me dritë tavani të ndezur – kishin 56% më shumë rrezik për dështim të zemrës, 32% më shumë gjasa për sëmundje të arterieve koronare dhe 28% rrezik më të lartë për goditje në tru.

Sipas studiuesve, drita gjatë natës mund të ndërhyjë në prodhimin e melatoninës dhe në ritmin cirkadian, që ndikon drejtpërdrejt në shëndetin kardiovaskular. Për një gjumë më të mirë dhe zemër më të shëndetshme, ekspertët rekomandojnë shmangien e dritave të forta, kufizimin e përdorimit të pajisjeve elektronike para gjumit dhe përdorimin e perdeve apo maskave për sy.