Zbulohet kompleksi më i madh dhe më i vjetër i qytetërimit Maya në Meksikë

Bota | 06.11.2025 Ora 8:18

Një kompleks i lashtë Maya, i fshehur për mijëra vjet nën pyje e fusha në Meksikën juglindore, është zbuluar falë teknologjisë LiDAR.

Sipas një studimi të publikuar në Science Advances, vendi i quajtur Aguada Fénix është ndërtuar rreth 3,050 vjet më parë dhe përbën strukturën më të madhe dhe më të vjetër arkitekturore të qytetërimit Maya.

Arkeologët zbuluan se dizajni i vendit, në formë kryqi, përfaqëson mënyrën si komuniteti e konceptonte universin, me ngjyra që simbolizonin drejtimet dhe periudhat kohore.

Studiuesit theksojnë se ndryshe nga qytetet e mëvonshme, Aguada Fénix është ndërtuar nga pjesëtarë të komunitetit pa një strukturë hierarkike, duke dëshmuar për organizimin e hershëm kolektiv të shoqërisë Maya.