Shfaqja spektakolare “Romeo & Juliet ON ICE” do të vijë së shpejti në Tiranë dhe Prishtinë, duke sjellë një kombinim unik të patinazhit artistik, muzikës dhe historisë klasike të Shekspirit, të interpretuar në një formë krejtësisht të veçantë.

Kjo shfaqje premton një eksperiencë emocionuese për publikun, duke ofruar një mënyrë ndryshe për të përjetuar një nga historitë më të njohura të dashurisë. Organizatorët theksojnë se eventi është i përshtatshëm për të gjitha moshat dhe përbën edhe një ide ideale dhurate për Ditën e Shën Valentinit.

“Romeo & Juliet ON ICE” do të mbahet më 14 shkurt në Tiranë, në Pallatin e Kongreseve, ndërsa më 20 shkurt në Prishtinë, në Sallën 1 Tetori. Biletat janë tashmë në shitje përmes platformës VIVERE.AL dhe janë të limituara. Organizatorët ftojnë të interesuarit të sigurojnë vendin e tyre në kohë për të mos e humbur këtë shfaqje unike.