Filmi është vazhdim i serialit të suksesshëm të platformës Disney+, The Mandalorian, dhe ndjek aventurat e Din Djarin (Pedro Pascal) dhe Grogu në një galaktikë që po rimëkëmbet pas rënies së Perandorisë. Në trailerin më të fundit, Scorsese dëgjohet si një shitës Ardennian që përballet me personazhin kryesor në një skenë me tone humoristike.

Përfshirja e tij ka tërhequr vëmendje edhe për shkak të komenteve të mëhershme të regjisorit ndaj filmave të mëdhenj komercialë, veçanërisht atyre të Marvel. Në një postim në rrjetin X, llogaria zyrtare e Star Wars e përshkroi paraqitjen e tij si “absolute cinema”, në një referencë të drejtpërdrejtë ndaj deklaratave të tij të vitit 2019.

Në kastë përfshihen gjithashtu Sigourney Weaver, Jeremy Allen White dhe Jonny Coyne. Ky projekt shënon rikthimin e parë të një filmi Star Wars në ekranin e madh pas shtatë vitesh.