Dita e Tokës shënohet çdo vit më 22 prill, një datë që u vendos fillimisht në vitin 1970, kur rreth 20 milionë amerikanë morën pjesë në një nga demonstratat më të mëdha mjedisore në histori.

Që nga viti 1990, kjo ditë është përqafuar globalisht nga organizata dhe grupe mjedisore, ndërsa në vitin 2009 u shpall zyrtarisht edhe nga Organizata e Kombeve të Bashkuara.

Në mbarë botën, kjo ditë shënohet me aktivitete të ndryshme si pastrimi i mjedisit, mbjellja e pemëve, fushata ndërgjegjësuese dhe aktivitete edukative.

Sipas të dhënave globale, planeti humb çdo vit rreth 10 milionë hektarë pyje, ndërsa afro 8 milionë ton plastikë përfundojnë në oqeane. Temperatura mesatare globale është rritur me rreth 1.1°C që nga epoka para-industriale, duke rrezikuar seriozisht biodiversitetin dhe mbi 1 milion specie që janë aktualisht në rrezik zhdukjeje.

Dita e Tokës shërben si një kujtesë globale për rëndësinë e mbrojtjes së mjedisit dhe përgjegjësinë që secili ka ndaj planetit.