Bayern Munich ka arritur marrëveshje personale me yllin e Newcastle United, Anthony Gordon, duke e afruar gjithnjë e më shumë transferimin e tij në Bundesliga.

Sipas raportimeve të gazetarit Ben Jacobs, sulmuesi anglez ka pranuar kushtet personale të ofruara nga Bayerni dhe tashmë fokusi është te negociatat mes dy klubeve për shumën e transferimit.

Megjithatë, Newcastle po kërkon të paktën 75 milionë funte (rreth 87 milionë euro) për kartonin e Gordonit, ndërsa ekziston ende një diferencë mes ofertës së Bayernit dhe kërkesës së klubit anglez.

Pavarësisht kësaj, interesimi i madh i kampionëve gjermanë pritet të shtyjë negociatat drejt një marrëveshjeje gjatë afatit kalimtar veror.