Filmi i shumëpritur fantastiko-shkencor "The End of Oak Street", me protagonistë yjet e Hollivudit Ewan McGregor (i njohur si Obi-Wan Kenobi) dhe Anne Hathaway, do të vijë në kine më 14 gusht 2026. Pak javë para premierës, projekti ka tërhequr vëmendjen duke thyer një rekord personal 12-vjeçar të regjisorit të tij, David Robert Mitchell.

Shoqata e Filmit (MPA) ia ka caktuar këtij filmi vlerësimin "PG-13" (i sugjeruar për moshat mbi 13 vjeç) për shkak të skenave të dhunës, gjuhës së ashpër dhe imazheve me gjak. Ky është filmi i parë në karrierën e Mitchell që nga viti 2015 (që prej filmit horror It Follows) që nuk merr vlerësimin e rreptë "R" (vetëm për të rritur).

I bashkë-produkuar nga ikona e sukseseve kinematografike J.J. Abrams, ky triler shkencor shtjellon historinë e një familjeje që e gjen veten në një territor të panjohur kur lagja e tyre zhvendoset mistershëm dhe përballet me shfaqjen e dinosaurëve. Për shkak të misterit, shumë adhurues kanë ngritur teori se ky projekt mund të jetë një vazhdim i fshehtë i sagës së famshme Cloverfield.